इतिहास जसा अभ्यासाल तसा समजेल!

आज एक छान पुस्तक वाचनात आलं. इतिहासामध्ये कै निनादराव बेडेकर म्हणतात तशा बऱ्याच गोष्टी लिहून ठेवल्या आहेत ज्या कधी आपल्यासमोर आल्याचं नाहीत (बहुधा येऊ दिल्या नाहीत?) . पण ह्याला कुठेतरी थोड्याफार प्रमाणात आपण देखील जबाबदार आहोत. सत्याला नाकारून उगाच दुसऱ्याला त्रास म्हणून खोट्या गोष्टी आयुष्यभर उराशी कवटाळून बसतो आणि पुढच्या पिढीला देखील तेच शिकवतो. 

थोरल्या राजांनी कधी दुसऱ्याच्या धर्माला कमी लेखलं नाही कि कधी मुद्दाम त्रास दिला नाही पण आपल्या धर्माच्या झालेली हानी भरून काढण्यासाठी जबरदस्तीने लादलेली धर्मांतर, देवळं पाडून बांधलेली मशिदी ह्या सगळ्याचा त्यांनी कडाडून विरोध केला पण त्याच बरोबर त्यांना जशास तसा धडा शिकवला. सपेत्तीपेरुमल इथे देवळं पडून बांधलेल्या मशिदी पाडून पुन्हा देवळं बांधली, गोव्यात पोर्तुगीजांनी जबरदस्तीने चालवलेल्या धर्मांतराला त्यांनी पोर्तुगीजांच्या चार पाद्र्यांची मुंडकी त्यांच्या विजरई कडे पाठवून उत्तर दिल. अशा बऱ्याच गोष्टी आपल्याला इतिहासाचा अभ्यास करताना ठायी ठायी सापडतात. 

पुढे काही नोंदी आपण पाहणार आहोत त्या मिर्झा राजा जयसिंग हा दिलेरखानासोबत स्वराज्यावर चालून आला १६६५ साली तेव्हा राजे आणि  मिर्झा राजाच्या मध्ये झालेल्या गोष्टींचा भाग आहे. 

१) "this king is a very virtuous Hindu"

- " हा एक सद्गुणी हिंदू राजा आहे. 

२) "As you have restored and defended the overthrown Hindu religion, I am pleased with you"

- "आपण उध्वस्त झालेल्या हिंदू धर्माला पुन्हा उभं केलं आणि त्याच संरक्षण केलंत म्हणून मी तुमच्यावर खुश आहे"

(वरील दोन्ही गोष्टी मिर्झा राजाच्या मुखातल्या आहेत.)

"In his early activities, he exhibited some aggressive spirit against the Muslim faith & pull down certain mosques at kalyana and bhiwandi and imprisoned mullas there" 

"त्याने (शिवाजीने) त्याच्या सुरुवातीच्या काळात (१६५०-१६६० दरम्यान) कल्याण भिवंडी इथल्या काही मशिदी पाडल्या आणि तिथल्या मौलवींना कैद केलं. 

संदर्भ - 

1) The Deliverance or the Escape of Shivaji the Great from Agra - Rao Saheb G K Alias Babasaheb Deshpande

2) Maharashtra of the Shivshahi Period  - V. S. Bendre

- केतन सावंत 

=========================================================================

(सूचना :- ह्या लेखामधील शब्द केतन सावंत कॉपीराईट आहे. लेखकाच्या पूर्व परवानगी शिवाय वापरणाऱ्यावर कायदेशीर कारवाई करण्यात येईल.)